Зеленски: Украина се соочува со „нова фаза“ на општа руска војна

Володимир Зеленски / Фото EPA-EFE/SERGEY DOLZHENKO

Украина се соочува со „нова фаза“ на општа руска војна, изјави денеска претседателот Володимир Зеленски за време на состанокот со граничарите во регионот Хмељницки.

Кирило Буданов, шефот на украинската воена разузнавачка служба (ХУР), претходно изјави дека Украина треба да очекува обновен руски напад кон крајот на пролетта или почетокот на летото, а нападот ќе се интензивира околу источниот регион Донбас.

„Окупаторот сега се подготвува да го прошири својот напад. И сите ние – Украинците, војниците, државата, партнерите – мора да направиме сè за да го нарушиме рускиот план за напад“, рече Зеленски.

Часив Јар, град во регионот на Доњецк, останува една од клучните цели на Русија бидејќи може да го олесни понатамошниот напредок кон блиските градови Костиантнивка, Краматорск и Славјанск, рече Олександр Пављук, командант на украинските копнени сили.

– Русија има за цел целосно да ги окупира регионите Доњецк, Луганск и, ако е можно, Запорожје во 2024 година, додаде тој.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот