Доцна синоќа беа одиграни три натпревари во најсилната лига на светот, Клиперси на домашен терен славеа победа над Сан Антонио со резултат 103:97, најмногу благодарение на одличната партија на Кавај Ленард.

Екипата од Лос Анџелес подобро го отвори мечот, но Спарси пред крајот на првата четвртина имаа предност и истата ја решија со 24:23 во своја корист.

Повеќе неизвесно беше во втората четвртина, а на пауза домаќините заминаа со позитива од 50:48.

Клиперси во третата четвртина доаѓаат до нешто повисока предност, а во последната кога имаа и +13, веќе се најавуваше победникот.

Прв стрелец за ЛА Клиперс беше Ленард кој забележа „дабл-дабл“ учинок од 38 поени и 12 скокови. За Спарси кои го претрпеа првиот пораз сезонава доминираше ДеМар ДеРозан со 29 поени.

НБА, резултати:

Атланта Хокс-Мајами Хит 97:106
Њу Орлеанс Пеликанс-Денвер Нагетс 122:107
Лос Анџелес Клиперс-Сан Антонио Спарс 103:97