Полицајци вчера уапсиле 16-годишен тетовец под сомнение дека во изминатите две недели ограбил неколку џамии. Последен пат, при кражба на верскиот објект на улицата „176“, тој ја разбил металната каса за донации и од неа одзел пари.

„Вчера во 18:00 часот во Тетово, полициски службеници од СВР Тетово лишија од слобода 16-годишен малолетник од Тетово поради постоење на основано сомнение за сторени кривични дело по член 236 од Кривичниот законик – ‘тешка кражба’. Имено, тој се сомничи дека во изминатите две недели извршил кражби во неколку џамии, а последен пат во џамија на улица „176“ во Тетово, каде што со употреба на сила ја разбил металната каса за донации и од неа одзел пари. Тој е задржан во полициска станица, известен е јавен обвинител и по документирање на случајот ќе следува соодветна пријава“, соопштија од МВР.

Ортаци во фирма од Скопје затаиле 120.000 евра од државата, тврди Финансиската полиција