Млад стратег е наследникот на Зарков на клупата на Еурофарм Пелистер 2
Михаил Петровски e наследникот на Александар Зарков на клупата на Еурофарм Пелситер 2, објави денес битолскиот клуб.
Петровски во минатото беше долгогодишен ракометар на „пелистерци“, а во последните неколку години е тренер во школата на клубот. Минатата сезона оствари успех со кадетската екипа, која го освои третото место на завршниот турнир во Скопје.
Денес 39-годишниот стратег долги години го носеше дресот на битолската гордост, играше на позицијата десен бек, а еден период беше и капитен на екипата. Покрај за матичниот клуб, Петровски настапуваше и за Констанца, Валанс, Архус, Рингстед, Балатонфуреди, Дабас…
На крајот од месец јули Петровски ќе ги започне подготовките за новата сезона. Тогаш и официјално ќе биде претставен пред медиумите.