Донесете дел од Италија во вашата кујна со ова свежо и едноставно јадење. Комбинацијата од лимон, кремаста рикота и ароматичен босилек создава лесен, но богат вкус – идеален за топлите денови, пишува „Пун куфер“.

Рецептот е брз, без компликации и се базира на квалитетни, сезонски намирници.

Потребни состојки

• 60 мл екстра девствено маслиново масло
• 1 врзоп млад кромид, ситно сечкан
• 2 шалоти (тип кромид), преполовени и тенко исечени
• 1/2 серано пиперка, ситно сечкана (по желба)
• сол и бибер
• 450 г суви тестенини
• 2 тиквички, исечени на многу тенки кругови
• кора и сок од 2 лимона
• 2 лажици путер
• 180 г свежа рикота
• 50 г рендан пекорино романо сирење
• врзоп босилек, ситно сечкан (може и нане како замена)

Подготовка

Во голем сад сварете тестенини во солена вода до „ал денте“. Зачувајте околу 350 мл од водата, а потоа исцедете ги тестенините.

Во тава загрејте маслиново масло на средна температура. Додадете млад кромид, шалоти и (по желба) серано пиперка, па кратко пропржете додека омекнат, околу 30–60 секунди.

Додадете ги тиквичките и гответе со повремено мешање 4–5 минути, додека омекнат. Посолете и забиберете по вкус.

Додадете кора и сок од лимон, како и путер. Потоа ставете ја сварената тестенина, рикотата и околу 240 мл од водата во која се варела. Мешајте додека рикотата се растопи и сосот стане кремаст, 1–2 минути.

Тргнете од оган и додадете рендан пекорино. По потреба, додавајте уште малку од водата за да добиете посакувана кремаста текстура.

Сервирајте со малку маслиново масло, свеж босилек, дополнително пекорино и рендана кора од лимон.