Нашата држава е потенцијална дестинација за компанија од САД од хемиската индустрија, чии прoизводи наоѓаат широка примена во автомобилската индустрија. Овој проект е  вреден 50 милинi евра, а сериозни разговори се водат и со автомобилска компанија од Тунис за инвестиција од 15 милиони евра, изјави за „Слободен печат“, министерката за привлекување странски инвестици, Зорица Апостолска.

Како што најави Апостолска во интервју за „Слободен печат“, интензивни преговори се водат и со чешка компанија за шински возила која би отворила фабрика во скопската општина Гази Баба во вредност од 20 милиони евра, а во која би се вработиле 250 лица.

Освен овие компании кои треба да го направат својот прв инвестициски чекор во земјава, Апосолска вели дека е вклучена и во преговорите со странски компании кои веќе работат кај нас и кои планираат да ги прошират своите производствени капацитети. Меѓу нив е компанија од САД, од Словенија како и од Германија и Русија, информира Апостолска.