Шкендија повторно остана без бодови на гостински терен во Конференциската лига на УЕФА, откако во Приштина беше поразена со 1-0 од косовскиот претставник Дрита. Македонскиот шампион одигра цврст и борбен натпревар, но еден момент на невнимание ја направи клучната разлика.

Домаќините го постигнаа единствениот гол уште во 20. минута, по висока топка испратена длабоко од половината. Одбраната на Шкендија лошо реагираше, а Малај ја искористи ситуацијата и рутински го матираше голманот.

Во второто полувреме тетовци се обидоа да притиснат во потрага по израмнување. Најблиску до погодок беше Латифи, чиј удар ја погоди стативата и го остави голот на домаќините недопрени. Во игра влезе и искусниот Бесарт Ибраими, кој се закани од слободен удар, но голманот на Дрита успеа да интервенира.

До крајот, косовскиот тим успешно го контролираше ритамот и не дозволи Шкендија да се врати во натпреварот. Со овој резултат, македонскиот првак падна на 25. позиција на ранг-листата во натпреварувањето.

Во следното коло, на 11 декември, Шкендија ќе го пречека словачкиот Слован Братислава.