Милосављев до Периќ: Најдобриот голмански тренер, ментор и животен учител!
Поради ситуацијата со пандемијата на коронавирус и двајцата се наоѓаат во Србија, а Милосављев не заборави колку Периќ е важен за неговиот напредок.
Дејан Милосављев дојде во Вардар како замена за Арпад Штербик, иако многу сметаа дека станува збор за еден неискусен чувар на мрежата, „Банда“ како што исто така го нарекуваат ги демантираше сите со своите големи настапи и на крајот дури се закити со титулата во ЛШ.
Главната причина за неговото доаѓање во Скопје беше тренерот на голманите, Дејан Периќ кој и во новата сезона се очекува да биде во стручниот штаб на тренерот Стевче Алушовски.
Српскиот репрезентативен голман кој моментно го носи дресот на бундеслигашот Фуксе Берлин се сретна повторно со Периќ..
Поради ситуацијата со пандемијата на коронавирус и двајцата се наоѓаат во Србија, а Милосављев преку социјалните мрежи не заборави колку Периќ имаше важен придонес во неговиот развој како голман:
– Најдобриот голмански тренер, ментор и животен учител. Слика која ќе ни враќа спомените, кога ќе ја погледнеме ќе се потсетуваме на убавите нешта кои ги поминавме заедно. Благодарам и се надевам во што поблиска иднина патиштата повторно ќе ни се спојат – напиша Милосављев на „Инстаграм“.
