Македонската таеквондистка Мила Рељиќ ја очекува нов настап на меѓународната сцена, нејзин следен предизвик е Светското првенство Г-14 во Вукси, Кина.

Како што најави тренерот Александар Ефтимов, нашата натпреварувачка оди на освојување на медал.

– Голема благодарност до Македонска Таеквондо Федерација и претседателот Борче Костовски за несебичната поддршка и целосното финансиско покривање за трошоците во Кина – објави Ефтимов.

Рељиќ својот последен настап го имаше на престижниот турнир Опен Г1 во Тирана, Албанија, на почетокот на овој месец како подготовка за СП, каде го освои среброто и шест поени на олимписката ранг-листа.

Претходно Рељиќ се закити и со бронза на Г1 турнирот во Полска.