Микрофонот што Карди Би го фрли на обожавателка за време на концерт на крајот од минатиот месец, беше продаден на Ибеј во вторникот за речиси 100.000 долари, на онлајн аукција, пишува „Форбс“ (Forbes).

Инцидентот со фрлањето на микрофонот, наводно, довел до кратка полициска истрага и поттикна дебати околу однесувањето на обожавателите на концертите.

Откако добил повеќе од 120 понуди, микрофонот бил продаден за 99.900 долари.

Приходите од микрофонот се рамномерно поделени помеѓу „Френшип сркл Лас Вегас“ (Friendship Circle Las Vegas) и „Вундед вориор проџект“ (Wounded Warrior Project), напиша продавачот Скот Фишер на Фејсбук откако го стави на аукција микрофонот на Ибеј минатата недела.

На 29 јули, за време на настап во клуб во Лас Вегас, некој од публиката фрли пијалок со мраз кон Карди Би, се гледа на видеата од инцидентот.

Карди Б на тоа одговори со фрлање на својот микрофон кон девојката од публиката пред да влезе обезбедувањето.
Видеата од инцидентот станаа вирални и поттикнаа дискусии за тоа дали Карди Би ќе биде обвинета за инцидентот.

Cardi B threw a microphone at an audience member who threw a drink at her while she was performing. https://t.co/fkXr3WZTzj

— Pop Crave (@PopCrave) July 30, 2023

Посетителката на концертот потоа поднела полициска пријава во која тврди дека била „удрена со предмет фрлен од бината“. Првично, според извештаите службениците покренале кривична истрага за инцидентот, но на крајот таа истрага била откажана поради „недоволно докази“, изјавиле за „Форбс“ од полициската служба во Лас Вегас .