Владата соопшти дека премиерот Христијан Мицкоски за време на неговата посета на Обединетите Арапски Емирати во Дубаи, остварил низа состаноци со видни личности од бизнис-секторот. Меѓу нив биле Мохамед Алабар, основач и извршен директор на Игл Хилс, Мохамед Хасан Ал-Суваиди, директор на Абу Даби развојна холдинг компанија, значаен глобален инвеститор, и Мохамед Јамеел Ал Рамахи, главен извршен директор на Масдар Енерџи Инвестмент Компани, еден од најголемите светски инвеститори во обновлива енергија и клучна сила во енергетската транзиција.

Мицкоски на својот Фејсбук профил објави дека на состаноците ги презентирал потенцијалите за вложување во Македонија и напорите на Владата да ја позиционира државата на светската инвестициска мапа.

„Даваме сè за да обезбедиме иднина и просперитет за нашите граѓани. Контактите продолжуваат и нашата борба за напредок и развој”, напиша премиерот.