Мицкоски: Ковачевски наместо да биде државник, се претставува како стендап комедијант и ме навредува
Ковачевски и малкумина владини функционери на стендап настапи како комедијант се обидува мене да ме навредува, мислејќи дека прави претстава пред неколкумина сопартијци кои што му аплаудираат додека народот тоне во мизерија и е загрижен како ќе ја помине зимата, рече претседателот на ВМРО-ДПМНЕ, Христијан Мицкоски и повторно повика ако премиерот е толку храбар, да излезе на предвремени парламентарни избори.
-Додека Македонија има многу проблеми, тој онака, храбро одлучува како комедијант да ме навредува мене и ВМРО-ДПМНЕ на неговите настапи. Ако е толку храбар, како што се претставува да одиме на предвремени парламентарни избори, па народот да даде оценка кому ќе верува – рече Мицкоски.
Според Мицкоски, Ковачевски наместо да биде државник себе си се претставува како стендап комичар.
-Ќе останеме фокусирани да ги решаваме проблемите таму каде што имаме можност. Народот е разочаран од сите политичари. Ние се трудиме да покажеме дека можело да одиме напред и дека има надеж. Тоа е суштината на оваа генерација политичари од ВМРО-ДПМНЕ – кажа Мицкоски како одговор на новинарско прашање.