Лидерот на ВМРО-ДПМНЕ Христијан Мицковски вечерва ги коментираше денешните случувања во Собранието и според него нормално е да се побара оставка од вицепремиерот за европски прашања Бојан Маричиќ.

– Зарем вие се сомневате во примитивноста на тој господин, јас не се сомневам. И токму тоа што го кажа пратеничката Стојановска, тоа се и случило на денешната парламентарна седница. Може да глумите во животот, но, вашето лице порано или подоцна излегува на површина, рече Мицкоски во емисијата „Клик плус“ на телевизија 21.

Мицковски рече дека е срамно тоа што го направи Маричиќ, додавајќи дека сексистичкиот настап е неодговорно нешто за вицепремиер, тој само тоне повеќе со лагите, еден ден ќе се одговара за се што е казниво.

Инаку денеска обвинувањата за бакнежи и намигнувања ја прекинаа седницата за пратенички прашања во Собранието.  Пратеничката на ВМРО-ДПМНЕ, Дафина Стојановска побара оставка од вицепремиерот за европски прашања Бојан Маричиќ, бидејќи додека се обраќала на говорница тој и испраќал недолични гестикулации.

Маричиќ пак, тврдењата на Стојановска ги демантираше на неговиот фејсбук профил.

– Најостро ги демантирам недостојните и ниски лаги на пратеничката Дафина Стојаноска. Со пратеничката ниту сум имал каква било комуникација ниту сум ѝ испратил каква било вербална или гестикулативна порака. Ништо од тоа – стои во дел од неговата објава.