Меси и Бензема фаворити: ФИФА ги објави кандидатите за фудбалер на годината
Лионел Меси, асот на ПСЖ и светски шампион со Аргентина, и Карим Бензема, напаѓачот на Реал и добитник на „Златната топка“ на Франс Фудбал, ја предводат листата од 14 фудбалери кои се во најтесниот круг за играчот на годината во изборот на ФИФА.
Заедно со двата најголеми фаворити, на списокот кандидати се и Хулијан Алварез, Кевин де Брујне, Ерлинг Халанд (Манчестер сити), Џуд Белингем (Борусија Дортмунд), Роберт Левандовски (Барселона), Садио Мане (Баерн), Килијан Мбапе, Ашфар Хамики, Нејмар (ПСЖ), Лука Модриќ, Винисиус Јуниор (Реал) и Мохамед Салах (Ливерпул).
ФИФА соопшти дека гласањето почнува денеска, а тие се поделени на четири дела: 25 отсто од гласовите доаѓаат од новинарите, 25 отсто од капитените на сите светски селекции, 25 отсто од светските селектори и 25 отсто од гласовите на навивачите на социјалните мрежи.
Гала церемонијата на ФИФА, на која ќе бидат доделени наградите на најдобрите, ќе биде организирана на 27 февруари 2023 година.
#TheBest Awards is approaching 👀🏆
Who will get your votes? 🗳️
— FIFA World Cup (@FIFAWorldCup) January 12, 2023
#TheBest FIFA Men’s Coach Nominees:
Coaches:
🇮🇹Carlo Ancelotti (@realmadrid)
🇫🇷Didier Deschamps (@equipedefrance)
🇪🇸Pep Guardiola (@ManCity)
🇲🇦Walid Regragui (@EnMaroc)
🇦🇷Lionel Scaloni (@Argentina)Vote on FIFA+ 👉 https://t.co/vscVDT00KO
— FIFA World Cup (@FIFAWorldCup) January 12, 2023
Награда за најдобар фудбалски тренер (номинации): Карло Анчелоти (Реал Мадрид), Дидие Дешамп (Франција), Пеп Гвардиола (Манчестер сити), Валид Реграги (Мароко) и Лионел Скалони (Аргентина).
Награда за најдобар голман (номинации): Алисон Бекер (Ливерпул), Јасин Боно (Севиља), Тибо Куртоа (Реал Мадрид), Едерсон (Манчестер сити) и Емилијано Мартинез (Астон Вила).