Меѓу жртвите од ковид-19: Досега 7 мртви, 925 заболени здравствени работници

За подобрување на состојбата, синдикатот бара повеќе контроли за тоа дали има доволно потребна заштитна опрема.

Со последниот случај на почината медицинска сестра како последица на инфекција од ковид-19, кој беше регистриран викендов, бројката на починати здравствени работници од новиот вирус се искачи на 7, додека повеќе од 925 се инфицирани. Од Синдикатот велат дека бројот за инфициран здравствен персонал е намален, но расте бројот на починати.

Медицинска сестра од охридската болница ја загуби битката со ковид-19

Викендов беше објавено дека на 49-годишна возраст почина медицинската сестра Дијана Димоска, вработена во Општата болница во Охрид. Таа ја загубила битката со ковид-19. Прв починат здравствен работник беше фармацевт од Струга, кој почина на крајот на мај годинава, на Клиниката за инфективни болести во Скопје. Меѓу починатите здравствени работници е и 62-годишен лекар специјалист пнеумофтизилог во Специјалната болница за белодробни заболувања и туберкулоза во тетовски Лешок, како и матична лекарка од Скопје.

Прочитајте и...  Филиповска Грашковска: Инспекциските служби ќе продолжат со редовни и интензивни контроли

Од Министерството за здравство велат дека досега се регистрирани повеќе од 925 заболени здравствени работници.

„Според кумулативната анализа на Извештајот на Институтот за јавно здравје за периодот од почетокот на епидемијата до 20.9.2020 година, од случаите што се епидемиолошки истражени, регистрирани се 926 (5,5%) случаи на заболување меѓу здравствени работници, како и  регистрирани се шест смртни случаи кај здравствени работници“, велат од МЗ.

На бројката шест починати од последниот извештај се додава и новиот смртен случај, со што вкупната бројка се искачува на седум.

Од Министерството за здравство побаравме и информација околу тоа од кои профили се починатите здравствени работници и во која здравствена установа работеле, бидејќи тоа може да биде епидемиолошки значаен податок, но во одговорот што го добивме ни рекоа дека Институтот за јавно здравје не води анализа од кои профили и од кои здравствени установи се здравствените работници.

Прочитајте и...  Во септември уште 2.239 вработени станале невработени

Од Самостојниот синдикат на Клиничкиот центар велат дека бројот на заболени здравствени работници во вкупната бројка на заболени е намален, но расте бројот на починати.

– Иако во најголем број случаи има доволно заштитна опрема, сепак се пријавуваат ситуации кога директорите ја штедат опремата. Би било добро Државниот санитарен инспекторат со зачестени контроли да провери дали секаде има доволно опрема и да има контроли во континуитет. Исто така, потребна е поголема флексибилност и комуникација со здравствените работници што се изложени на поголем ризик за добијат инфекција – велат од Синдикатот.

Поврзани вести

ВИДЕО: Од што заболуваат американските дипломати во Русија и Куба? Сè започнува со губење на слухот

Маријана Митровска

Уште еден велешанец ја загуби битката со коронавирусот

Слободен печат

Детали: Волонтерот кој умре на тестирањето на Оксфорд вакцината, примил друга вакцина

Слободен печат

Алиев: Азербејџан презеде контрола над 22 места во Нагорно-Карабах

Слободен печат

Рамадани: Изјавата на Каракачанов е сериозна, но и апсурдна

Слободен печат

Нагорно Карабах останува воена зона: Турција е подготвена да испрати војска во Азербејџан

Слободен печат

Остави Коментар