Антони Ираола заминува на крајот од сезоната, а како што се најавуаше пред неколку дена, негов наследник на клупата на фудбалскиот клуб Борнмут ќе биде Марко Розе.

Тоа сега е официјално, објави денеска Борнмут на својата официјална веб-страница, со потпишан договор на три години.

Германскиот тренер претходно ги водеше Салцбург, Борусија Менхенгладбах, Борусија Дортмунд и Лајпциг, а ќе го преземе својот нов клуб на крајот од оваа сезона.

Како што објавија некои англиски медиуми, неговата плата ќе биде околу шест милиони евра годишно.

Најголемите успеси досега во тренерската кариера ги имаше со Салцбург со кој двапати стана шампион на Австрија, а со Лајпциг во 2023 година дојде до пехарите во германскиот куп и Суперкуп.

AFC Bournemouth is delighted to confirm the appointment of Marco Rose as the club’s new head coach on a three-year contract, which will begin following the conclusion of the 2025/26 season.

— AFC Bournemouth 🍒 (@afcbournemouth) April 20, 2026