Марк Цукерберг подготвува комплетно нова апликација?

EPA EFE
epa07538770 Mark Zuckerberg, CEO and co-founder of Facebook speaks during the keynote F8 Facebook Developer Conference at the McEnery Convention Center in San Jose, California, USA, 30 April 2019. EPA-EFE/JOHN G. MABANGLO

Според неофицијални информации првиот човек на „Facebook“ им дал инструкции на своите софтверски инженери да започнат да работат на апликација која ќе биде слична на онлајн платформата „Clubhouse“.

Апликацијата „Clubhouse“ е релативно нова апликација, која се појави во 2020 година. Тоа е платформа за аудио разговор каде корисник може да стане само оној кој ќе добие повик од некој што веќе ја користи.

Од „Facebook“ веќе пристигна информација дека работат на решенија кои на корисниците ќе им понудат нови начини на комуникација, а сега како продолжение на таа приказна доаѓа веста дека станува збор за аудио формат, кој „Facebook“ планира да го користи во рамките на своите услуги и апликации.

Неофицијалните информации сугерираат дека „Facebook“ им дал инструкции на своите софтверски инженери да започнат да работат на апликација која ќе биде слична на „Clubhouse“. Работата на проектот е на самиот почеток, па сигурно ќе биде потребно многу време додека не се појави првата „употреблива“ верзија на апликацијата.

Инаку, „Clubhouse“ усепа да предизвика многу полемики за кратко време, бидејќи содржината на платформата не е модерирана, односно нема контрола врз тоа што објавуваат корисниците.

Покрај тоа, новата мрежа, меѓу другите, привлече и многу познати личности, па нејзини корисници се и Опра Винфри, Ештон Качер, раперот Дрејк и секако, Илон Маск.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот