Првиот вицепремиер задолжен за европски прашања во техничката влада Бојан Маричиќ денеска изјави дека нема никакви проблеми во функционирањето на техничката влада и дека очекува така да остане до крајот на мандатот односно до почетокот на изборите. Тој додаде дека веќе е одржана една седница и конституирани се владините тела.

Се очекува во вторник да има можеби, повеќе од една седница и да биде усвоен Законот за рестриктивни мерки, рече тој по положувањето цвеќе на гробот на Гоце Делчев во црквата  „Свети Спас“ во Скопје.

Маричиќ истакна дека името и делото на Делчев доликуваат тој да се слави достојно.

– Драго ни е што нема провокации годинава, името и делото на Гоце доликуваат да се слават без конфликти и злоупотреба, посочи тој.