Добро е што доаѓа европската мисија која ќе врши мониторинг врз работата на оваа Судскиот совет оти имиџот на оваа институција е слика за целото правосудство, изјави вицепремиерот за европски прашања Бојан Маричиќ.

Тој за за емисијата Трилинг вели дека оценската мисија е еден добар чекор, а Владата ќе го прифати.

„Она што сакам дa го кажам за оценската мисија мислам дека е тоа добар сигнал и дека ние треба да го искористиме како можност. Владата тоа мора да го прифати и мислам дека за тоа никој нема дилема и тоа е пред се порака до Судскиот совет и до тоа што се случуваше во изминатиот период“, изјави Маричиќ.

Судскиот совет на Република Северна Македонија денеска соопшти дека ја поздравува и ја прифаќа идејата на амбасадорот на Европската Унија во РС Македонија, Дејвид Гир во која најавува дека веќе и е предложено на Владата да се испрати оценска мисија за работата на ова тело.

Во соопштението се наведува дека Судскиот совет деновиве е изложен на жестока и неаргументирана медиумска и политичка кампања, како и притисок од невладиниот сектор со отворени повици за оставки.

Судски совет: Изложени сме на жестока и неаргументирана медиумска и политичка кампања