Фудбалерот на Брајтон, Соли Марч на синоќешниот натпревар против Кристал Палас го постигна единствениот гол во победата на домашната екипа од 1:0. Откако го постигна голот, корисниците на социјалните мрежи забележаа нешто интересно.

Марч го постигна голот во 15 минута од натпреварот, а датумот вчера беше 15 март. Фактот што „марч“ на англиски е всушност март го направи овој гол доста интересен, па фановите на социјалните мрежи се пошегуваа со овој интересен настан.

Тимот на Брајтон со вчерашната победа се доближи до местата кои носат во Лигата на шампионите, што уште еднаш докажа колку добро е предводен клубот на Роберто Де Зерби, кој игра одлично во првата сезона на Италијанецот.