Поради протестен марш од страна на група граѓани кои се незадоволни од, како што велат, неспроведувањето на Законот за употреба на јазиците во правосудниот испит, денеска во централното подрачје на Скопје ќе се воведе посебен режим на сообраќајот, информираат од МВР, при што ќе биде затворена улицата „Димитрие Чуповски“, позната како „Рекорд“.

Студенти денес ќе протестираат во Скопје за полагање правосуден испит на албански јазик – МВР најави посебен режим на сообраќај

Маршот ќе започне од пред плоштад „Карпошово востание“ на улицата „11-ти Март“, потоа преку Камени мост, продолжува по улицата „Никола Вапцаров“ и завршува на улицата „Димитрие Чуповски“ пред Министерство за правда. На овaa улицa, возилата ќе бидат пренасочени по околните сообраќајници.

На мапата подолу можете да погледнете кои делови од градот ќе бидат затворени за сообраќај.

Од Министерството апелираат до сите учесници во сообраќајот да се почитуваат наредбите кои ќе ги даваат униформираните полициски службеници.