Манифестацијата „Звуците на чаршијата“ ќе донесе богата програма во Старата скопска чаршија

Во старото градско јадро на Скопската чаршија на 13, 15, 16 и 17 септември ќе се одржи традиционалната манифестација „Звуците на чаршијата“, чија цел, веќе неколку години, е да ја заживее чаршијата преку концерти од сите жанрови, перформанси, фолклорни настапи, поезија, ликовна колонија и презентација на стари занаети.

„Звуците на чаршијата“ е мултимедијална и мултикултурна манифестација, која годинава се одржува по 14-ти пат, со идеја да потсети на заборавената традиција, да оживее некои недоволно посетени простори на Скопје и да придонесе кон еманципација на културно неизградените средини. Таа придонесува кон континуираните активности на градот Скопје и Културно-информативниот центар – Скопје за ревитализација на Старата скопска чаршија.

Како и секоја година, така и ова, програмата ќе биде богата и разновидна. Ќе има ликовни колонии, театарски претстави, филмови, стенд-ап комедија, литература, концерти од различен жанр на музика: народна, џез, рок, опера, забавна… на плоштадите, улиците на Старата скопска чаршијата, на Скопското кале, во Куршумли Ан, Сули Ан.

Прочитајте и...  Изложба фотографии и книга од Милчо Манчевски во МСУ: Визуелна моќност во уличните фотографии на Манчевски на увид од утре

Манифестацијата почнува на 13 септември (недела), во 20 часот, со концерт на Туна во Куршумли ан, по што од 21 и 22 часот ќе следат уште два концерти.

На 15 септември (вторник), од 16 часот, манифестацијата продолжува со настанот „Чаршиските улици“, во чии рамки концерт ќе одржат Сарана Адеми на флејта и Верица Шотаровска на пијано. Во 17 часот пред Џамијата на Мурат Паша предвиден е настап на Адил Алуш и „Јени Јол оркестар“. Во 19 часот на плоштадот „Скендербег“ ќе биде одиграна театарската претстава „Не плаќам“, а од 20 часот на плоштадот „Филип Втори“ ќе се одржи концерт под наслов „Есенски звуци, бојата на ѕвукот“. Во 22.30 часот на Скопското кале ќе бидат прикажани два краткометражни филма: „Земја“ во режија на Ибер Деари и „Балкон“ на Линдита Зеќирај.

Прочитајте и...  Најдобрите филмови и креациите на Џифонци вечерва на виделина на затворање на „Џифони Македонија“

На третиот фестивалски ден (16 септември), од 16 часот, пред Муратпашината џамија ќе се изведува чалгиска музика, а од 17 часот на Скопското кале ќе се одржи арт-колонија. На истата локација од 17.30 часот ќе настапи гудачкиот квартет „Стрип 4м“. Вечерта од 18 часот настапува џез квартетот „Вив арт“, а во 21.30 часот стендап комедија ќе има Артан Ибиши.

Последниот ден од манифестацијата, 17 септември, е резервиран за настап на гудачкиот квартет „Вива стрингс“ (16 часот), театарската претстава „Другарство во време на мерки“ (18 часот на плоштадот „Скендербег“) и претставата „Приказна за Моцарт“ на Здружението „Детски свет“ (18.30 часот). Вечерта од 20 часот во Сули ан настап ќе имаат трите тенори: Исмет Вејсели, Мустафа Имери и Влатко Груевски. Гостин на концертот е тенорот Шинаси Рамадан, во пијано придружба на Андреј Наунов.

Прочитајте и...  Најдобрите филмови и креациите на Џифонци вечерва на виделина на затворање на „Џифони Македонија“

– Целта на проектот е презентација на различните традиционални уметности, традиции и култури во Македонија. Со еден збор ова е зближување и подобро запознавање меѓу етникумите во земјата, значи доближување до граѓаните преку културата – велат организаторите.

Изминативе години на „Звуците на чаршијата“ учествуваа многу познати пејачи, уметници, танчери, аниматори, познати групи, македонски, албански, турски, ромски, во духот на идејата на манифестацијата, да биде мултикултурна.

КИЦ – Скопје, освен на реномирани уметници им дава шанса и на дебитанти, кои токму тука, на ова место, на оваа манифестација ја започнале својата кариера.

Заштитните маски и одржувањето дистанца за време на настаните се задолжителни, нагласија од ЈУ КИЦ – Скопје.

Прочитај повеќе

Најдобрите филмови и креациите на Џифонци вечерва на виделина на затворање на „Џифони Македонија“

СП.

Изложба фотографии и книга од Милчо Манчевски во МСУ: Визуелна моќност во уличните фотографии на Манчевски на увид од утре

Слободен печат

Клаудио Губитози: На „Џифони“ не е важно од каде сте, туку што сакате да бидете

СП.

Се отвора изложбата Panic Room во Музејот на современата уметност

Слободен печат

Мастер-клас на Леон Ристов: „Џифони“ ми помогна да го најдам мојот пат во филмската уметност

СП.

Врачено Рациновото признание за 2020 на Томислав Османли

Слободен печат

Остави Коментар

Прочитај повеќе

На „Џифони Македонија“ откриваме нови хоризонти – џифонци од денеска се препуштаат на магијата на филмот и креацијата

СП.

Отворени 57-те Рацинови средби

Слободен печат

„Бела ноќ“ вечерва на 10 локации во Скопје

Слободен печат

Српскиот режисер и сценарист Горан Паскаљевиќ почина на 74-годишна возраст

Слободен печат

Во Велес денеска почнуваат 57-те Рацинови средби

Слободен печат

Утре почнува Џифони Македонија