Селекторот на машката сениорска ракометна репрезентација, Кирил Лазаров, го објави списокот на ракометари за претстојната ЕХФ недела во која Македонија ќе одигра два контролни натпревари против селекцијата на Јапонија (30 октомври и 1 ноември).

На списокот се наоѓаат 20 ракометари на кои Лазаров смета за овие мечеви, а дополнително повикани се и 7 ракометари како резерва.

Најголема вест е враќањето на Дејан Манасков во националниот тим. Левото крило на Еурофарм Пелистер игра во одлична форма и повторно ќе го облече дресот на Македонија.

Меѓу резервите се најдоа и неколку познати имиња – левиот бек на Вардар, Филип Талески, како и Милан Лазаревски, Марко Митев, Никола Костески, Петар Атанасијевиќ, Никола Маркоски и Томислав Јагуриновски.

Контролите со Јапонија ќе послужат како подготовка за следните квалификациски натпревари и ќе бидат важна проверка на формата и тактичките решенија на селекторот Лазаров.

Преземено од: Спорт.ком.мк