Денеска во првиот натпревар од меѓународниот турнир „Трофеј Карпати“ во Романија македонската младинска ракометна репрезентација триумфираше со 39:27 против Саудиска Арабија. После првото полувреме водевме со шест голови разлика (19:13).

Најефикасен во редовите на македонската репрезентација беше Белистојаноски со пет голови, а по четири имаа Ристевски, Михајловиќ, Узунчев и Ристески.

Целиот натпревар меѓу репрезентациите на Македонија и Саудиска Арабија можете да го погледнете на следниот линк ТУКА

Вториот меч нашите ракометни надежи ќе го имаат в сабота од 17.30 часот против Словачка, а в недела во истиот термин ќе ги одмерат силите против романската селекција.

Избраниците на селекторот Раде Стојановиќ играат на овој турнир кој е дел од подготовките за настапот на Европското првенство кое ќе се одржи следната година во Словенија.