Во рамките од подготовките пред настапот на Светското првенство во јануари, македонската машка сениорска ракометна репрезентација одигра пријателски натпревар против ракометниот клуб од Србија, Нови Београд.

Играчите предводени од Кирил Лазаров во Фудбалскиот центар во Стара Пазова одиграа три полувремиња од по 30 минути и триумфираа со вкупен резултат 85:44.

После 60 минути игра Македонија беше подобра со 55:28 (27:11).

Според најавите нашите најдобри ракометари во Србија ќе тестираат и против Динамо Панчево и Саудиска Арабија.

Потсетување дека ривали на Мундијалот ни се селекциите на Унгарија (15 јануари), Холандија (17 јануари) и Гвинеја (19 јануари).

Кузмановски: Расположени сме и мотивирани, пред нас е уште едно големо првенство