Кузмановски: Расположени сме и мотивирани, пред нас е уште едно големо првенство
Ракометната репрезентација на Македонија ги одработува подготовките за Светското првенство кое ќе се игра на стартот на 2025 година.
Препорачано
Избраниците на Кире Лазаров се подготвуваат во Стара Пазова, а во својата изјава Филип Кузмановски истакна дека мотивот и расположението кај сите во репрезентацијата се на највисоко ниво.
„Расположението и мотивацијата се на највисоко ниво. Пред нас е уште едно големо првенство. Сите знаеме колку беше тешко да дојдеме до него и колку сите напорно работиме за да бидиме дел од овој колектив. Од прв ден почнавме со анализа на нашите противници. Ќе се соочиме со квалитетни репрезентации, мораме да бидеме добро подготвени, и физички и тактички. Ќе имаме доволно време да се спремиме до стартот на првенството. Во следниот период ќе одиграме и контролни натпревари на кои ќе можеме да го пробаме сето она што го подготвуваме за нашата група“, изјави Кузмановски.
Првенството Македонија го започнува на 15 јануари против Унгарија од 20:30 часот, потоа следи дуелот со Холандија на 17 од 18:00, па натпреварот со Гвинеја два дена подоцна со кој ја завршуваме првата фаза.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ.СО ПОЧЕТНА СУМА ОД 100 ДЕНАРИ
Видео на денот