Нов голем резултат за македонското скијање на меѓународната сцена, Мирко Лазарески освои подиум во Колашин, Црна Гора.

Во понеделникот, младиот Лазарески на велеслалом трката, која се одржа во црногорскиот ски центар Колашин, имаше одличен настап и со освоени 70.20 ФИС точки го освои второто место во финалниот пласман.

Имаше вкупно време 1:43.05 мин., зад победникот Самуел Тод-Саундерс од Велика Британија (1:41.60), а на третата позиција заврши Италијанецот Ренато Морети (01:43.69).

Скијачката федерација на Македонија упати честитки до Мирко и неговиот тренер Антонио Ристевски за постигнатиот резултат.

Во текот на вчерашниот ден нашиот натпреварувач дојде до уште еден подиум, односно беше третопласиран на слаломската трка.

Лазарески, кој дојде до 77.59 ФИС точки, оствари време од 01:27.93 мин., на првото место се најде Морети (01:25.76), пред Грегор Брајовиќ од Словенија (01:27.56).

ФОТО: Македонската скијачка Јана Атанасовска освои подиум на слаломската трка во Италија