Министерот за надворешни работи и надворешна трговија, Тимчо Муцунски, во гостувањето во „Топ Тема“ на телевизијата „Телма“, најави дека дека на 7 април, владин тим од неколкумина министри ќе одржи сесија на Стратешкиот дијалог во Вашингтон.

„Ќе бидеме прва земја во Европа која во рамки на оваа администрација ќе има сесија на стратешки дијалог во Вашингтон“, рече министерот Муцунски, без да ги образложи придобивките од таквото постигнување.

Тој информираше дека делегацијата која ќе патува во САД ќе биде предводена од него, како шеф на делегацијата, а во неа ќе бидат вклучени и министрите за внатрешни работи, одбрана, дигитална трансформација и енергетика.

Муцунски изрази очекување дека стратешкиот дијалог „ќе отвори сериозни дискусии во областа на одбраната и безбедноста, трговската и економската соработка, како и дека ќе донесе конкретни бенефити за граѓаните“.

Кузмановска од МНР рече дека министерството го почитува правото на самоодбрана, но не и за Иран: „Го поддржуваме и правото на водење војни“