Момците од EUROEDIL HOLDING го отворија натпреварувањето во Дубаи, ОАЕ, со победа над екипата од Соединетите Американски Држави со 13:7, во рамки на групната фаза од завршетокот на Red Bull Half Court 3х3 натпреварувањето.

Екипата, составена од две братски двојки, поранешни и сегашни репрезентативци – Елвис Хот и Амар Хот односно Карло и Паоло Блажевски, го освоија турнирот Red Bull half court кој трета година во низа се одржа на добропознатиот терен во Влае.

Следуваше и втората победа македонските баскетчии беа посилни и од составот на екипата од Малдиви и славеа со максимални 21:7.

Продолжија победите на Македонија и во четвртфиналето во кое оствари победа над Јапонија со резултат 14:9 за пласман во полуфиналната фаза.

Противник во полуфиналето е тимот на Молдавија кој пак беше подобар од составот на Јужна Африка со 9:7. Во второто полуфинале се среќаваат Австралија и Египет.