Македонската фудбалска репрезентација до 18 години го одигра вториот контролен натпревар против Црна Гора и во Струмица забележа победа од 2:1. Избраниците на селекторот Димитар Капинковски покажаа добра игра и потврдија напредок во формата.

Двата погодоци за Македонија ги постигна фудбалерот на Вардар, Иво Марковски. Првиот гол падна во првото полувреме, кога Марковски изби по десната страна и се обиде да нафрли, но топката со помош на црногорскиот дефанзивец заврши во мрежата.

Гостите израмнија пред паузата, но Марковски повторно блесна на стартот од вториот дел. По одличен пас во празен простор, напаѓачот на Вардар излезе сам пред голманот на Црна Гора и сигурно реализираше за конечни 2:1.

Преземено од: Sport.com.mk