Македонската фудбалска репрезентација вечерва го игра еден од клучните натпревари во квалификациите за Светското првенство во САД, Канада и Мексико. На само две кола пред крајот на циклусот, избраниците на селекторот Благоја Милевски се на првото место во групата, а за да ја задржат лидерската позиција, мора да слават против Казахстан во Скопје.

Селекторот Милевски реши да направи три измени во стартниот состав во однос на претходниот меч. Повредениот Висар Муслиу ќе го замени искусниот Дарко Велковски, а место во почетната единаесетка добија и Алими и Ристовски.

Почетни состави:

Македонија (3-5-2): Димитриевски; Стојчевски, Велковски, Зајков; Илиевски, Атанасов, Алими, Барди, Алиоски; Елмас, Ристовски.

Казахстан (4-3-3): Сеисен; Каиров, Касим, Алип, Вороговски; Зајнутдинов, Куат, Караман; Кенжебек, Свиридов, Чесноков.

Средбата ќе започне во 20:45 часот на Националната арена во Скопје. Во исто време ќе се одигра и мечот меѓу Велс и Белгија, а најпосакуван резултат за нашата репрезентација е триумф на домаќинот.

Македонија вечерва има јасна цел – нова победа и чекор поблиску до историски пласман на Мундијалот.