Македонија без Лејсон Зекири во претквалификациите за Европското првенство
Македонија во претквалификацискиот циклус ќе биде ослабена и без Лејсон Зекири на кого селекторот Жозеп Мариа Берокал нема да може да смета.
Препорачано
Во овој циклус, Македонија ја очекуваат натпревари со Луксембург, кој го игра на 27 февруари (петок) во салата „Градски парк“ во Скопје, и неколку дена подоцна, на 2 март, против Азербејџан во Баку.
Поради повреда која бара дополнителен медицински третман, Зекири беше принуден да го откаже своето доаѓање за овие дуели.
Тој го информираше стручниот штаб на нашата најдобра селекција дека има проблеми со коленото, поради што не е во можност да се стави на располагање за мечевите кои следуваат. Во наредните денови, селекторот Берокал ќе смета на оние 15 кошаркари кои го одработуваат вториот „работен“ ден од мини собирот во Скопје.
Кочов: Чест ми е и задоволство што сум повторно во стручниот штаб на Македонија
Жозеп Мариа Берокал: Привилегија е да бидам селектор на Македонија
ФОТО | Промовиран е новиот селектор на македонската кошаркарска репрезентација, Жозе Берокал
