Ромелу Лукаку е човек за пример, не се мисли само на неговата досегашна фудбалска кариера, ниту на 17 голови во 25 натпревари за миланскиот клуб.

Ретко кој може да се пофали како силниот белгиски напаѓач на Интер, односно тој е единствен случај во светот на фудбалот кој зборува дури осум јазици.

Упорноста и желбата да научи јазици во средините каде што игра и живее, Лукаку не ги загуби ниту со преселбата во Италија, каде веќе после два и пол месеци даваше интервјуа како да е роден некаде во Калабрија.

Romelu Lukaku giving a post-match interview in Portuguese after the Brazil match. He’s never lived in Portugal.

What a guy. ? pic.twitter.com/5gb6rIUEf4

— Marathonbet (@marathonbet) July 8, 2018

Освен италијанскиот, Лукаку го зборува мајчиниот француски јазик, како и фламански, кој како и повеќето Белгијци, го учеше во основно училиште.

Своите корени ги влече од Конго, одржува редовни контакти со роднините во Лингала, зборуваат на Банту јазик кој најмногу се користи во таа африканска држава.

Лукаку исто така зборува уште на англиски, шпански, португалски и германски, иако никогаш не играл фудбал во трите последноспоменати земји.

Сите ги изненади после завршувањето на натпреварот против Бразил на Мундијалот во Русија, кога даваше интервју на чист португалски јазик.