ЛШ: Фудбалерите на Силекс негативни на Ковид-19 пред мечот во Баку!
Добри вести доаѓаат од кратовскиот клуб пред летот за Азербејџан каде што ќе го одиграат натпреварот од првото квалификациско коло од Лигата на шампионите против Карабах.
Македонскиот претставник во ЛШ за оваа сезона денеска ги направи комплетните тестови за Ковид-19.
– Денешните резултати покажаа дека сите фудбалери, тренерскиот персонал и раководството на тимот се негативни – информираат од клубот.
Со оглед на ситуацијата со Ковид-19, УЕФА внимателно ја следи ситуацијата во сите клубови кои настапуваат на меѓународната сцена ова лето, заразени играчи непосредно пред самиот меч може да значи и елиминација од натпреварувањата, а неодамна тоа го доживеа косовската Дрита.
Негативните тестови се одличен знак за кратовци кој својот меч против Карабах ќе го имаат во вторник (18 август) со почеток од 18.00 часот по македонско време, а 20.00 по локално во Баку.
Главен судија во оваа средба ќе биде Јарослав Козик од Украина.