Лингард тренира во Саудиска Арабија во клуб кој го тренира Стивен Џерард
Откако летово му истече договорот со Нотингем форест, фудбалерот Џеси Лингард е слободен агент. Во повеќето лиги заврши преодниот рок, а Англичанецот и натаму нема клуб.
Како што пренесува новинарот Фабрицио Романо, тоа наскоро би можело да се промени. Имено, Лингард почна да тренира со Ал Етифак, клуб од Саудиска Арабија со кој раководи легендата на Ливерпул, Стивен Џерард.
Лингард може да тренира со клубот еден месец, а потоа тој и клубот мора да одлучат дали ќе потпишат договор.
Според најголемиот стручњак за трансфери Романо, Џерард исто така ќе има важна улога во одлучувањето дали поранешниот играч од средниот ред на Манчестер јунајтед ќе потпише за клубот што го тренира.
Ова би бил четврти клуб за Лингард во кариерата. Претходно 30-годишниот играч во кариерата беше дел од Манчестер јунајтед, Вест Хем (на позајмица) и Нотингем форест.