Лига на нации: Влаховиќ и Митровиќ ја однесоа Србија во дивизијата А
Селекцијата на Србија за 72 часа оствари две победи над скандинавските репрезентации и си обезбеди пласман во дивизијата А во следното издание од Лигата на нации.
По победата од 4:1 над Шведска во Белград, Србија вечерва во Осло во директен дуел за првото место во групата 4 ја 2:0 ја совлада Норвешка.
За Србија само победа беше во игра вечерва и тоа го остварија иако малку фалеше уште во првата минута да имаат негатива откако во одлична шанса на најде Ерлинг Халанд, но неговиот шут го одбрани Вања Милинковиќ-Савиќ.
Србите потоа полека го наметнаа својот ритам и првата шанса ја имаа преку Душан Влаховиќ, не неговиот шут беше запрен од голманот Ниланд. Сепак, во 42 минута, напаѓачот на Јувентус по асистенцијата на Филип Костиќ го матира голманот на Норвешка за 0:1.
Избраниците на селекторот Драган Стојковиќ дилемите околу победникот ги решија во 54 минута со голот на Александар Митровиќ кој го постигна 50 погодок за Србија.
Интересно е што Митровиќ до бројката од 50 гола за својата репрезентација дојде во 76 натпревари, додека на Лионел Меси му требаа 107, а на Кристијано Роналдо 114 натпревари.
Games taken to score 50 international goals:
◎ 114 – Cristiano Ronaldo
◎ 107 – Lionel Messi
◉ 76 – Aleksandar MitrovicBallon d’Or incoming. 😉 pic.twitter.com/DD6MQfZA0u
— Squawka (@Squawka) September 27, 2022
Во директната пресметка за третото место, Словенија во Солна одигра 1:1 и ја испрати Шведска во дицизијата Ц.
Пласман во елитната дивизија обезбеди и Шкотска која го освои првото мество во групата 1. Тие во одлучувачкиот натпревар одиграа 0:0 против Украина во Краков и ја сочуваа предноста од еден бод пред Украинците.
Во дивизијата Ц покрај Романија, Шведска и Русија се сели и Ерменија која загуби со 3:2 на гостувањето во Ирска.
Резултати:
Дивизија Б
Група 1
Украина – Шкотска 0:0
Република Ирска – Ерменија 3:2
Табела: Шкотска 13, Украина 11, Р. Ирска 7, Ерменија 3.
Група 2
Албанија – Исланд 1:1
Табела: Израел 8, Исланд 4, Албанија 2, Русија 0.
Група 4
Норвешка – Србија 0:2
Шведска – Словенија 1:1
Табела: Србија 13, Норвешка 10, Словенија 6, Шведска 4.
Дивизија Ц
Група 2
Грција – Северна Ирска 3:1
Косово – Кипар 5:1
Табела: Грција 15, Косово 9, Северна Ирска 5, Кипар 5.