Една од омилените македонски салати е и салатата со компири, а можете да ја јадете како прилог, но и како посебен оброк. Најдобро оди со риба, а денеска ви предлагаме да направите салата од компири со туна и чери домати. Брзо се подготвува, заситува, а не се скапи ниту состојките.

Состојки:

– 300 грама компири
– 1 виолетова главица кромид
– 1 лимон
– 60 грама маслинки
– 200 грама чери домати
– 160 грама туна
– маслиново масло
– босилек

Подготовка:

Компирите сварете ги со целата лушпа, па кога ќе се изладат, излупете ги и исцедете ги. Ставете ги во сад за салата и додадете ја процедената туна, маслинките, чери доматите исечени на половина и виолетовиот кромид исечен на ребренца.

Потоа прелијте ги со маслиново масло и сокот од лимон и измешајте.

По потреба зачинете и украсете со свеж босилек.