Ленче Николовска веќе не го советува Заев за земјоделските политики
Советничката на премиерот Зоран Заев, за земјоделски политики, Ленче Николовска, си поднела оставка. Ваквата информација ја потврдуваат од Владата.
Нејзиниот ангажман завршил на 1 ноември. Сепак, Николовска ќе биде инволвирана во владини земјоделски проекти.
– Николовска на нејзино барање, донесе одлука да го заврши ангажманот како советничка и да им се посвети на земјоделците во друга форма. Таа ќе биде вклучена во земјоделски проекти надвор од Владата и на тој начин ќе им помага на земјоделците и агробизнисмените и државата – информираат од Владата.
Од Генералниот секретаријат во истиот период има само едно спогодбено преземање и тоа од ГС во друга институција, додаваат од Владата.