Излегувањето од карантин и прераното попуштање на мерките може да доведе до разорен втор бран, а тоа го докажува и пример од американската историја.

Сан Франциско направил таква грешка во борбата против Шпанскиот грип во 1948-1949 година, кога дошло до пораст на вирусот откако градот ја укинал забраната за јавни собирања после само еден месец, пренесува Дејли мејл.

Градот го погодила шпанската грозница во септември 1918 година, кога војниците се вратиле дома по Првата светска војна. Кога властите виделе што се случува, ги затвориле сите јавни места на 18 октомври.

А потоа, на 21 октомври наредиле сите да носат маски во јавност и забраниле јавни собирања. Оној кој бил фатен без маска, плаќал казна или завршувал во затвор.

До почетокот на ноември градот имал повеќе од 20.000 случаи на шпанска грозница, а околу 1.000 луѓе умреле.

Охрабрени со доказите дека ширењето на вирусот се забавило, градските власти одлучиле да ја укинат забраната за собирање и јавни настани на 21 ноември, а на луѓето им рекле дека носењето маски веќе не е задолжително.

Следеле прослави по улиците, а луѓето побрзале во театрите и на стадионите.

Меѓутоа грипот се вратил три недели подоцна и довел до подолга епидемија отколку што била првата. Вториот бран довел до поголем број умрени и заболени отколку што имало во првиот налет.

После 1 јануари 1919 година дневно биле дијагностицирани околу 600 нови случаи. Во јануари повторно е воведено задолжително носење маски во јавност.

Во Сан Франциско имало повеќе од 45.000 заболени и повеќе од 3.000 починати.

И сега, откако бројот на заболени и починати од коронавирусот почна да опаѓа, бројни држави решија полека да се враќаат во нормала, додека Светската здравствена организација предупредува да не се брза со укинување на мерките.

Лекции од 18. век: Како Австриската империја се борела со епидемијата пред развојот на модерната медицина? (ФОТО)