65-годишен лекар, вработен во штипската болница, ќе одговара за напад врз здравствен работник, откако упаднал во операциона сала во Клиничката болница во градот додека бил во тек оперативен зафат врз пациент и се обидел да го земе апаратот за анестезија, при што и нападнал еден од неговите колеги кои оперирале, соопшти МВР.

„СВР Штип поднесе кривична пријава против маж (65) од Штип поради постоење основи на сомнение за сторено кривично дело „напад врз здравствен работник и здравствен соработник при вршење на здравствена дејност“. На 05.02.2025, пријавениот, лекар во Клиничка болница Штип, влегол во една од салите за операција каде се изведувала операција и се обидел да го земе апаратот за анестезија, при што физички нападнал негов колега кој ја вршел интервенцијата“, пишува во полициското соопштение.

Доколку биде осуден за делото кое му се става на товар, лекарот-насилник може да добие од парична казна до три години затвор.

Лекарската комора повикува да се спречи насилството врз здравствените работници