Иднината на германскиот голман, Марк Андре Тер Штеген во последно време е тема на медиумите, а како што пренесуваат бројни извори, во новата сезона тој би бил дури трет избор на Флик, ако остане во клубот.

Поради тоа, легендата на германскиот фудбал, Лотар Матеус го советува да ја промени средината.

„Ако сака да игра на Светското првенство, мора да замине. Во Барселона повеќе нема да брани. Мора да прифати дека клубот има други планови и тоа е нормално“, изјави Матеусс.

Тер Штеген минатата сезона беше опериран по тешката повреда и помина осум месеци надвор од терените. Таа пауза, во комбинација со доаѓањето на Шчесни, доведе до ситуација тој да стане „вишок“, па останува да видиме до крајот на летото дали ќе се одлучи за промена.