Лам нов претседател на ДФБ
Капитенот на германската репрезентација која во 2014 година триумфираше на Светското првенство, Филип Лам најверојатно е идниот претседател на Германската фудбалска федерација (ДФБ).
Сегашниот претседател Рајнхард Гриндел, го најави своето заминување од функцијата поради загубената доверба прдизвикана од неколкуте скандали.
Гриндел од 2016 година е на чело на ДФБ но во последната година со дебаклот на германската репрезентација на СП 2018 година кога не ја минаа групната фаза, се случија и неколку расистички скандали, а и Месут Озил изјави дека токму Гриндел е еден од главните виновници за неговата одлука да не игра за репрезентацијата.
Лам се пензионира пред две години и оттогаш е активен во германскиот фудбал, тој беше амбасадор на германската кандидатура за ЕП 2024 која и на крајот неговата земја ја доби организацијата.
Тој исто така доби и понуда да биде директор во Баерн Минхен, тимот во кој ја мина целата играчка кариера, но ја одби понудата со образложение дека во клубот се зависи од Ули Хенес.
Клубовите и навивачите го гледаат токму Лам како идеален предводник на ДФБ со кој германскиот фудбал би се вратил на европскиот и светскиот врв.