Кристал Палас официјално го претстави своето новозасилување, откако постигна договор со велшкиот офанзивец Бренан Џонсон, кој во редовите на клубот пристигнува од Тотенхем.

Лондонскиот клуб за овој трансфер издвои 35 милиони фунти, сума што претставува нов клупски рекорд. Со тоа беше надмината досегашната најголема инвестиција, трансферот на Кристијан Бентеке, за кого Палас плати 27 милиони фунти.

From North London to South.

We are delighted to announce the signing of Brennan Johnson from Tottenham Hotspur ❤️💙

— Crystal Palace F.C. (@CPFC) January 2, 2026

Џонсон и понатаму ќе остане во Лондон, но ќе ја смени страната на градот и од северниот дел се сели во јужен Лондон, каде ќе го носи дресот на „орлите“.

Велшкиот репрезентативец ѝ е добро познат и на македонската јавност, бидејќи беше еден од стрелците за Велс на натпреварот против Македонија во Кардиф, кој нашата селекција го загуби со убедливи 1-7.

Преземено од: Спорт.ком.мк