Градоначалникот на Струмица во заминување, Костадин Костадинов, преку социјалните мрежи ги користи последните денови од изборната кампања да објави што сработил, а вчера им се заблагодари и на советниците во општинскиот совет.

„Почитувани советници, сакам од срце да упатам една длабока благодарност до сите вас и од мнозинството, и од опозицијата. Благодарам за поддршката, но и за критиките. Благодарам за секој ваш збор, за секоја идеја, за секоја дебата што ја водевме во име на граѓаните на Струмица. Со политиката, како и во животот, понекогаш искрите во дебатите знаат да бидат посилни од зборовите. Ако некогаш сум повредил некого со мој став или збор, од срце барам прошка. Од моја страна, сè е одамна простено. Такво е политичкото секојдневие, исполнето со страст, но и со искрена намера да се направи подобро“, напиша Костадинов меѓу другото.