ВИДЕО: Косовската полиција почна да дели опомени за возачите со српски таблички
Косовската полиција синоќа ја изрече првата опомена за возилата кои не се пререгистрирани од српски регистарски таблички, во таблички со назнака РКС, објави РТС.
На административниот премин Јариње, неколку минути по полноќ истече рокот за пререгистрација што го постави Приштина, а изречена му е опомена на возач чие возило е регистрирано со КМ табличка.
На административниот премин Јариње нема гужва, но на територијата на Косово од полноќ почнаа да се спроведуваат новите мерки за пререгистрација што ги донесоа институциите во Приштина, јави репортерот на РТС.
На административните премини, косовската полиција на возачите со регистарски таблички од градовите од северот на Косово им доделуваат потврди односно опомени, дека се известени дека треба да ги пререгистрираат возилата.
Постојат упатства за пререгистрација на хартија.
Неколку возачи кои од територијата на Република Косово кон централна Србија се движеле со регистерските таблички на Косовска Митровица, велат дека не добиле никакво предупредување.
Србите велат дека нема да ги применат. Од Европската комисија пак изјавија дека одлуката за табличките не е во согласност со договорите од дијалогот меѓу двете земји
Брисел: Одлуката на Косово за табличките не е во согласност со договорот