Од 26. до 30. декември во Тарговиште ќе се одржат Балканските игри во женска кадетска конкуренција.

Учеството го пријавија вкупно шест национални селекции во категоријата „Под 16“ години во женска конкуренција.

Согласно со активностите на романската федерација која е во улога на домаќин и на организатор на овој собир, поделени се во две групи. Нашата кадетска селекција е дел од групата „Б“ во која се уште селекцијата на грција, и вториот тим на Романија, додека пак во групата „А“, освен младите Романки ќе играат и репрезентациите на Молдавија и на Бугарија.

Сатнината на игрите во Тарговиште вели дека нашата селекција својот прв натпревар ќе го одигра на 27. декември (среда) со почеток од 19.15 часот (по локално време) а за противник ќе ја има соодветната селекција на Грција.

Наредниот ден, во исто време, од 19.15 часот, ќе играме и против репрезентацијата на Романија „Под 15“ години.

Во зависност од резултатите, односно од пласманот во групната фаза, на 29. декември (петок), следуваат и натпреварите кои ќе го дадат конечниот изглед на табелата (според системот: А1-Б1, А2-Б2 и А3-Б3).

СОСТАВ НА МАКЕДОНИЈА

Јана Писелвска

Дарија Панкова

Теа Трајковска

Ана Сарафилоска

Глорија Груевска

Ива Колева

Ива Димитријевиќ

Вања Милосављевиќ

Душица Мицева

Мила Начевска

Кјара Анастасова

Јована Димовска

Селектор: Горан Крстевски

Асистент-тренер: Сања Костова