Спектаклот кој љубителите на боксот со нетрпение го очекуваат конечно се чини дека ќе се случи, пресметката меѓу Ентони Џошуа и Тајсон Фјури, според најновите најави, е договорена.

Информациите говорат дека двобојот на британските тешкаши е планиран за крајот на годината, поточно во периодот од октомври до декември, секако доколку не се појават неочекувани пречки.

Сепак, пред да стапи во рингот со Фјури, Џошуа го очекува уште еден сериозен предизвик. На 25 јули во Ријад ќе се соочи со Кристијан Пренга, боксер со  21 победа од исто толку борби, од кои дури 20 завршени со нокаут, што го прави опасен противник на патот кон големата пресметка.

Тензијата меѓу Џошуа и Фјури дополнително се зголеми по победата на Фјури над Арсланбек Махмудов, кога директно го предизвика својот ривал.

„Те повикувам, Ентони Џошуа, да се бориш со мене. Дали прифаќаш?“, изјави Фјури пред публиката.

Иако првично воздржан, Џошуа подоцна возврати со остар тон:

„Те победив кога бевме деца и повторно ќе те победам. Јас сум шефот, ти работиш за мене.“

To my friends in Great Britain – it’s happening 🦁. It’s signed ✍️🥊

— TURKI ALALSHIKH (@Turki_alalshikh) April 27, 2026

ВИДЕО | Хаос во Шпанија: Голман како на бокс-меч нокаутираше фудбалер откако виде дека е исклучен