Комерцијална банка од 1 декември ќе има нов ценовник за одржување на платежните сметки. Таа до своите корисници, а и на својата веб страница ја објави оваа информација за да може граѓаните кои нема да се сложат со новиот ценовник да ги раскинат договорите.

„Ве известуваме дека Банката изврши измена на Тарифата на надоместоци за услугите што ги врши Комерцијална банка АД Скопје. Надоместоците кои ќе започнат да се применуваат од 01.12.2024 година се следните: Одржување на платежни сметки во денари: Платежни сметки со промет во тековниот месец – 40 денари месечно (освен за месецот во кој се затвора сметката) . Платежни сметки на кои има прилив по основ на пензија – 30 денари месечно Согласно Договорот за платежна сметка во денари, доколку во рок од два месеци по завршување на месецот во кој е извршена промената на условите во работењето за кои сте известени со оваа порака, не поднесете барање за раскинување на Договорот, се смета дека сте согласни со новите услови и дека ги прифаќате во целост.“, пишува во информацијата од Комерцијална банка.

Според актуелниот ценовник, одржувањето на платежната сметка со промет во тековниот месец е 35 денари, а одржувањето на платежните сметки со прилив на пензија се 25 денари.