– За да има кавга се потребни двајца. Не може човек да се скара сам со себе си. За да постојат тие кавги меѓу Скопје и Софија, многу често се налива масло и од двете страни на границата. Јас кога тргнав да се занимавам со политика иако сум правник по образование и сум имал можност да правам нешто подобитно за мене како што е приватниот бизнис од каде што доаѓам, тргнав да се занимавам со оваа работа можеби и од тој агресивен однос едни кон други меѓу Скопје и Софија, изјави за Утрински брифинг, Петар Колев, лидер на ГДУ.

Тој вели дека се надева и дека после потпишувањето на Договорот за добрососедство ќе собереме сили како општество да го продолжиме патот по кој што веќе сме тргнале.

– Кон позитивна енергија би придонеле многу моменти од нашето блиско и далечно минато, но пред се сегашноста реалноста и иднината која што треба да ја изградиме заедно. Многу сум револтиран што за нас како општества е поважно што се случило пред 150 години, а не е важно тоа што ние немаме граничен премин помеѓу Македонија и Бугарија. Не логично е тоа што се расправаме и караме за граматики и јазици, а не прифаќаме дека многу ни е тешко да направиме заедничка тркалезна маса во сферата на бизнисот, бидејќи од Скопје до Софија нема автопат и треба да патуваш четири часа и ако имаш лош ксмет да има во тој период сериозен увоз на горива или нешто друго можеш да заглавиш седум часа, рече Колев.