Колапсот на коалицијата на Демократската партија на Косово и Самоопределување во Подуево може да доведе до избори во таа општина, а првиот тест за власт ќе биде во септември, пишува Телеграфи.Потпретседателот на ДПК во Подуево, Бурим Јанузи, вели дека до моментот кога го добиле известувањето од центарот дека треба да ја напуштат коалицијата, соработката со Самоопределување била доста добра.

Соработката беше многу добра, имавме двајца директори, но по распадот на коалицијата мораа да си заминат“, рече Јанузи.

Без ДПК, Самоопределување ќе има потешкотии да формира мнозинство и да носи одлуки.

„Одговорност е на власта да одлучи што ќе прави, им требаат уште четворица советници, ако ги немаат тогаш ќе има избори за општинско собрание“, рече Јанузи.

Шемси Јашари, кој ја надгледува работата на Собранието на општината, наведува дека оваа институција ќе наиде на потешкотии поради пропаѓањето на коалицијата.

„Првиот предизвик што ги очекува е донесувањето на буџетот, бидејќи тоа мора да се направи во септември. Не се знае како ќе се одвива. Останува да се види како владата ќе најде решение“, рече Јашари.

Колапсот на коалицијата во Подуево се случи по одлуката на Управниот совет на ДПК да ги прекине односите со владата и владејачката партија поради целокупната ситуација на Косово. Пред неколку месеци, поточно на крајот на мај, соработката меѓу Самоопределување и ДПК заврши и во општина Гњилане.